РУССКАЯ ПРАВОСЛАВНАЯ ЦЕРКОВЬ Орегон, С.Ш.А.

Приход свв. новомучеников Российских

Молитвы о мире в Украине

В воскресенье 23-го ферваля за Божественной Литургией будет вознесена молитва о мире в Украине. Все, кому небезразлична судьба Украины, приезжайте на службу! Будем усердно молиться о прекращении междоусобной вражды и о мире среди братьев.

ОСОБЫЕ Прошения на БОЖЕСТВЕННОЙ ЛИТУРГИИ

23 февраля 2014 г.

На сугубой ектении

О еже милостивым оком призрети на люди земли украинския и сотворити ю непреобориму от распри творящих, молим Тя, Милосердый Господи, услыши и помилуй.

О еже просветити светом своего богоразумия мысли ожесточением помраченных, верных же Своих в стране Украинстей укрепити и невредимых соблюсти, молим Тя, Всесильный Творче, услыши и помилуй.

Давый заповедь Твою нам, еже любити Тебе Бога нашего и ближняго своего, сотвори, да ненависти, вражды, обиды, мздоимства, кровопролития и прочая беззакония прекратятся, истинная же любовь да царствует в людех земли украинския, молим Ти ся, Спасителю наш, услыши и милостивно помилуй.

далее МОЛИТВА:

Всевышний Боже, Владыко и Содетелю всея твари, наполняяй вся величеством Твоим и содержай силою Твоею.

К Тебе Великодаровитому Господу нашему припадаем, сердцем сокрушенным и усердною молитвою о стране Украинстей, распрями и нестроениями раздираемей.

Премилосердый и Всесильный, не до конца гневайся, Господи! Буди милостив нам, молит Тя Твоя Церковь, представляющи Тебе начальника и совершителя спасения нашего Иисуса Христа. Укрепи силою Твоею верныя люди в стране Украинстей, заблуждающим же просвети разумныя очи светом Твоим божественным, да уразумеют Твою истину, умягчи их ожесточение, утоли вражды и нестроения на страну и мирныя люди ея воздвизаемая, да все познают Тебе, Господа и Спасителя нашего. Не отврати лица Твоего от нас, Господи, воздаждь нам радость спасения Твоего. Помяни милости, яже показал еси отцем нашим, преложи гнев Твой на милосердие и даждь помощь Твою народу украинскому, в скорби сущему.

Молит Тя Церковь Русская, представляющи Тебе ходатайство всех святых в ней просиявших, изряднее же Пресвятыя Богородицы и Приснодевы Марии, от лет древних покрывающия и заступающия страны наша. Возгрей сердца наша теплотою благодати Твоея, утверди волю нашу в воли Твоей, да якоже древле, тако и ныне прославится всесвятое имя Твое, Отца и Сына и Святаго Духа, во веки веков.

Аминь.

НА ЗАУПОКОЙНОЙ ЕКТЕНИИ 

Еще молимся о упокоении душ усопших рабов Божиих в братоубийственной смуте на Украине убиенных и о еже проститися им всякому прегрешению вольному же и невольному.

Written by Fr. Sergei Sveshnikov

Февраль 21, 2014 в 09:16

Опубликовано в Новости, Ресурсы

%d такие блоггеры, как: